Oh Je

Imene Stall bim Hüsli hinde,
wohnt e Chüngel mit de Chinde.

Si isch Wittwe, denn dr liebi Ma
wo sie het kha, isch eifach nümme da.

Er het dient – uf syni Wys,
de Mensche als Spys.

Amene Morge seit denn Mueter:
liebs Chind i seh und hol Fuetter.
Halt no eis! Dängg an mi Ma,
gang nid furt, dängg an Papa.

Het si gseit und isch entwycht,
Chüngel Junior aber schlycht
hindedry; doch das isch blöder,
denn scho chunt e grosse Marder;
und verbisst das chline
Chüngeli ohni Gnad – Schad

Im Stall bim Hüsli hinde,
rieft e Chüngel syne Chinde…………………